Totu sas versiones: Innu Sardu Natzionale Melodia "PROCURADE..."

 

Innu Sardu Natzionale "Sardigna, Pàtria amada!"
http://www.innusardu.eu/

 
                           Illustrassione curtza.

"Procurad' 'e moderare..." est istadu propostu Innu de sa Regione Sarda; bene meda! Fintzamente!
Nois proponimus puru
s'INNU SARDU NATZIONALE,
s'INNU DE SA NATZIONE SARDA,
s'INNU DE SU POPULU SARDU SOBERANU,
s'INNU DE SA SARDIGNA DE SU TEMPUS BENIDORE!
 

(Testu de s'Innu in L. SARDA COMUNA - Melodia de "Procurade...")


1 - Sos Sardos siant pro Te,
Terra nostra alabada,
Sardigna, Pŕtria amada,
fortza paris pro Te!
  Sunt sos sčculos passados
in mesu a tantas penas,
su sŕmben' de sas venas
ispartu amus pro Te!
    Sardigna, Pŕtria amada,
    fortza paris pro Te!

 
    Su comintzu de s'Innu rejamat su cuntzettu fundamentale de Sardigna-Pàtria e de s'importŕntzia de la amare abberueru e a sa séria, de la sentire cun orgňlliu e de la chérrere totu umpare cun detzisione: "Fortza paris!".
    Sa prima istrofa cheret puru mentovare (1) tota s'Istňria colada de sa Sardigna e sos sacrifětzios fattos dae sos Sardos pro deféndere s'identidade issoro e pro sa Pŕtria Sarda. In d'unu Innu Natzionale s'arrelatu (2) a su passadu e s'onore torradu a sos Jajos nostros non podet mancare!

2 - Hoe est bčnnidu su tempus
pro su Pňpulu Sardu
de artziare s'Istendardu:
semus totu pro Te!
  E s'arbčschida giŕ lughet
de sa Natzione Sarda:
mai ŕnima covarda
siat, Mama, pro Te!
    Sardigna, Pŕtria amada,
    fortza paris pro Te!

 
    Sa segunda istrofa giamat su Pňpulu Sardu a éssere protagonista de su rolu sou de suggettu costitussionale de s'istatualidade noa chi cherimus pro sa Sardigna (soberanidade de sa Repůblica Sarda cunfederada cun sa Repůblica Italiana, comente solussione de passazu o finale, o soberania de sa Repůblica Sarda de su totu a contu sou - cumpatibilmente cun su protzessu de integratzione europea - a segunda de sas positziones polěticas diversas, chi s'Innu respéttada). "Su tempus hoe est bénnidu..." : non si podet pius aisettare: nos dovimus mňvere, como!
    S'istrofa cunfirmat unu cuntzettu e una cusséntzia polětica chi est a su fundamentu de s'Innu etotu: sos Sardos sunt una NATZIONE, est a nŕrrere unu Pňpulu chi, pro nodidias (3) étnicas-limběsticas-culturales-geogrŕficas-econňmicas-sotziales nadias, fungudas (4) e fraigadas in séculos e séculos de s'istňria 'e s'umanidade, at dirittu naturale a s'autodeterminassione. Nemos siat covardu! (5)

3 - Sa nadia Limba nostra
cherimus faeddare
e bia l'intregare
a sos fěgios pro Te!
  E defčndere cherimus
sa nostra identidade
e paris dignidade
in Europa, pro Te!
    Sardigna, Pŕtria amada,
    fortza paris pro Te!

 
    Sa terza istrofa reclamat su dirittu a amparare (6) e impitare sa limba nostra sarda chi est su coro de s'identidade nostra natzionale, chi cherimus intregare (7) bia a fěgios nostros!
    S'istrofa faeddat puru de s'Europa e de su rolu in issa de sa Sardigna, chi cheret deféndere s'identidade sua e sa paris dignitate in custa comunidade a sa cale cherimus partetzipare derettamente pro sas chistiones importantes, puru in s'ipňtesi de un'Istadu soberanu cunfederadu!

4 - Dae sa mente e dae su coro
donni trabŕgliu umanu
modernu crescat, sanu,
siat bantu pro Te!
  E sa Terra nostra ermosa
cherimus cun sabiesa
in tota sua nidesa
amparare pro Te!
    Sardigna, Pŕtria amada,
    fortza paris pro Te!

 
    Sa quarta istrofa faeddat de su trabŕgliu umanu e de su progressu econňmicu e sotziale chi nois Sardos cherimus promňvere in Sardigna cun intelligéntzia, modernidade e passione innoadiva, pro éssere a sa paris de sas ŕteras Natziones e traténnere fěgios nostros in sa Terra issoro pro non divénnere disterrados fortzados!
    S'istrofa cunfirmat puru su cumbinchimentu e sa voluntade de sos Sardos chi su progressu non devet arruinare sa Terra nostra ermosa, de manera peruna: ma s'amparu at bisonzu de sabiesa, chi est intelligéntzia cun equilěbriu e connoschéntzia fungada (8) e respettu de sa natura e de s'ambiente. Pro nois e pro fěgios nostros!

5 - E su Mare Nostru mannu,
mare de libertade,
de paghe e amistade,
siat domo pro Te!
  E su Pňpulu 'e Sardigna
est semper soberanu!
Pŕtria amada, est beranu:
vida longa pro Te!
    Sardigna, Pŕtria amada,
    fortza paris pro Te!

 
    Sa quinta istrofa rappresentat sa Sardigna chi cherimus pro su tempus benidore, cun sa collocassione sua étnica e ética, culturale e polětica de Natzione mediterrŕnea, ponte naturale inter Europa e Africa, pro sa paghe, s'amistade e su progressu in libertade de sos Pňpulos chi s'accherant a custu mare e chi devent collaborare in s'interessu de totus!
    S'ůltima istrofa est fundamentale: cunfirmat e proclamat chi su Pňpulu Sardu est semper soberanu - no at tzessadu mai de lu éssere - e at dirittu de detzědere in democratzia sa configurassione de s'istatualidade chi dovimus dare a sa Sardigna e realizare in libertade. No nos dovimus resinnare! Sa vida, s'Istňria, est innanti a nois. "Est beranu!". Sa Pŕtria Sarda cheret s'impignu nostru amantiosu! (9)


 
**********************
 
(Prémiu Otieri de Litteradura Sarda - Prémiu Frantziscu Innŕssiu Mannu - Otieri 2009).

Chie est B. Saba: http://www.luigiladu.it/poesias/Elenco_poeti/saba_benito.htm)
 
Su testu in totu sos faeddos de sa Sardigna e sos ispartidos musicales in su sětiu:
Innu Sardu Natzionale Melodia "PROCURADE..."
 
FacebooK:
http://www.facebook.com/benito.saba
http://www.facebook.com/innusardu.natzionale
http://www.facebook.com/groups/107401069347411
http://www.facebook.com/groups/144141778991117
http://www.facebook.com/pages/Innu-Sardu-Natzionale/275571058979
 

___________________________________________________________________
 
(1) mentovare: commemorare, ricordare; (2) arrelatu: riferimento; (3) nodidias: caratteristiche; (4) fungudas: profonde; (5) cuvardu: codardo; (6) amparare: difendere, tutelare; (7) intregare: tramandare, consegnare; (8) fungada: approfondita; (9) amantiosu: appassionato.
 
.